Mbreteria e Bashkuar ndalon "The pirate bay".

Faqja e famshme për kërkimin e torrentëve, The Pirate Bay është bllokuar në Britaninë e Madhe, pas një vendimi të gjykatës i cili thotë se faqja shkel të drejtat e autorit.

Industria Fonografike e Britanisë (BPI) ka kërkuar nga ofruesit e shërbimeve të internetit të bllokojnë qasjen në The Pirate Bay në Britani të Madhe, duke pretenduar se faqja ka shkaktuar miliona funta dëme.

Gjykata e Lartë e Drejtësisë ka thënë se The Pirate Bay jo vetëm se mundëson që të bëhet vjedhja e të drejtave të autorit, por në mënyrë aktive edhe e inkurajon atë.

Gjithcka gati,starton Big Brother Albania 5.

Big Brother rikthehet në ekranin e Top Channel nga e shtuna mbrëma. Një grup njerëzish nga Shqipëria, por edhe trevat shqipfolëse do të jenë protagonistët e edicionit të pestë të këtij “reality shoë” që do të tregojë për publikun gjithçka ndodh brenda shtëpisë 24 orë në 24.

Mosha e një pjese të konkurentëve këtë vit do të jetë më e madhe. Si do të jenë marrëdhëniet mes tyre? Do të lidhen miqësi, dashuri? Do të krijohen armiqësi? A do të ketë një lider brenda shtëpisë? Cili do të jetë më i forti?

Prezantuese e mbrëmjes së spektaklit: Arbana Osmani. Cdo të shtunë me surpriza, kandidime dhe eliminime.

Nga e hëna në të shtunë në çdo pasdite përmbledhjet ditore me ngjarjet më të rëndësishme të ditës.

Dy javë pas natës së parë rikthehet Fan Club, ku me të ftuar të eleminiuarit, por edhe familjarë e gazetarë do të diskutohet gjithçka rreth lojës. Prezantuese e Fan Club: Albana Osmani.

Për ata që duan të ndjekin aventurat e konkurentëve pa humbur as edhe një minutë, në Digitalb do të mund të ndiqet gjithçka live 24 orë në 24 nëpërmjet kanaleve Big Brother 1 dhe 2, pas javes së parë të spektaklit nëpërmjet abonimit Gold.

Gjithçka është gati, mbetet vetëm të ndiqet. Big Brother nga e shtuna nis të vëzhgojë!

Aleanca Kuq e Zi shenderrohet ne parti.

Aleanca Kuq e Zi do të kandidojë në zgjedhjet e ardhëshme si një parti politike. Lajmi bëhet i ditur nga kreu i kësaj aleance Kreshnik Spahiu, i cili në një intervistë për televizionin Top Channel deklaroi se shiqptarët ishin të lodhur me dy partitë politikë që kanë mbizotëruar gjatë 20 viteve të fundit.

“Tashmë shqiptarët janë lodhur për 20 vjet duke parë ndërrimin e PD-së dhe PS-së në pushtet, tashmë prej disa vitesh qeverisemi nga një parti tërësisht bolshevike, e cila në mënyrë autoritare po drejton shtetin shqiptar dhe është shumë e rëndësishme që Aleanca të shkojë e vetme në zgjedhjet e ardhshme për të kandiduar jashtë koalicionit të Partisë Demokratike dhe Partisë Socialiste, si mundësia e vetme për të qarkulluar elitën politike shqiptare” u shpreh Spahiu për këtë televizion.

Spahiu sëbashku me një delegacion të Aleances Kuq e Zi ndodhet në një vizitë në Washington.

Ne Mars ka pasur dy oqeane.

Sateliti “Mars Express” i Agjencisë Hapësinore Europiane ka mbledhur të dhëna rreth dy oqeaneve të mëdha që kanë ekzistuar miliarda vite më parë në planetin e kuq. 

Sipas studimit i cili ka zgjatur dy vjet, njëri nga oqeanet ka ekzistuar 4 miliardë vite më pare ndërsa tjetri 3 miliardë vite më parë në sipërfaqen e Marsit. 

“Ne mendojmë se këto precipitate përmbajnë akull. Të dhënat e përftuara na tregojnë se këtu më parë ka pasur oqean”, shprehet shkencëtari Jeremie Mouginot. 

Mendohet se uji mund të ketë mbetur nën Mars pas një periudhe 1 milion vjeçare ngrice ose të ketë avulluar në atmosferë. 

Autori i masakres ne Norvegji: Meritoj medalje nderi.

Anders Breivik, autori i masakrës së 22 korrikut në Norvegji, i ka kërkuar gjykatës lirinë duke u shprehur se meriton një medalje nderi për atë që ka bërë. Breivik u shfaq para mediave i vetëkënaqur dhe i buzëqeshur, teksa dërgohej i prangosur në Gjykatën e Oslos, ku u zhvillua seanca e fundit dëgjimore.

32-vjeçari vrasës, gjykimi i të cilit pritet të nisë në 16 prill, i tha trupit gjykues se sulmi më i përgjakshëm që ka ndodhur ndonjëherë në Norvegji në kohë paqeje ishte në fakt një sulm kundër tradhtarëve që u kanë hapur dyert emigrantëve, për të promovuar kolonizimin islamik të vendit.

“Jam militant nacionalist. Përfaqësoj norvegjezët vendas. Ne norvegjezët nuk mund të ulemi dhe të shikojmë sesi kthehemi në minoritet në vendin tonë”, tha ai.

Breivik pranoi vendosjen e bombës pranë ndërtesës qeveritare në Oslo dhe autorësinë e masakrës në kapin rinor në Utoja.

Breivik mohoi përgjegjësinë penale për këto dy krime, duke hedhur poshtë autoritetin e gjykatës, por gjykatësi Wenche Fliflet Gjelsten vendosi që ai të vazhdojë të qëndrojë në paraburgim.

Falimenton kompania Hungareze Malev.

Kompania ajrore hungareze, “MALEV”, pushtoi të gjitha fluturimet ditën e premte për shkak të vështirësive financiare.

Pjesë e aleancës që përfshin gjigantët “Air France” dhe “British Airways”, Malev është një linjë e njohur në Shqipëri si një ndër më të hershmet që kanë operuar në vendin tonë dhe që kanë lidhur Tiranën në mënyrë të përditshme me destinacione të shumta europiane përmes Budapestit.

Nëpërmjet një komunikate, kompania informoi se të gjitha veprimet do të ndërpriten duke nisur nga ora gjashtë e mëngjesit, ndërsa është kërkuar shpallja e falimentimit.

Nuk është ende e qartë se si do të veprohet me disa mijëra pasagjerë që presin të udhëtojnë gjatë ditës dhe në ditët në vazhdim.

Një kompani e themeluar në vitin 1946 dhe e konsideruar si “krenaria” e Hungarisë, “MALEV” ka akumuluar borxhe prej 60 miliardë forintash, një total prej 270 milion dollarësh dhe shpallja e falimentimit u bë i pashmangshëm, pasi qeveria e përfshirë në vështirësi financiare më parë gjatë javës të ndërpriste subvencionet e saj për kompaninë.

“Ndonëse u përpoqëm të bënim më të mirën, me hidhërim duhet të deklarojmë ndërprerjen e të gjitha shërbimeve tona duke nisur nga data 3 shkurt”, deklaroi shefi ekzekutiv i kompanisë, Lorant Limburger.

“I përballur me një situatë të vështirë ekonomike, bordi drejtues urdhëroi sot përfundimin e operacioneve. i ofrojmë ndjesën më të thellë të gjithë pasagjerëve tanë”.

Lajmi për falimentimin e “MALEV”-it vjen disa ditë pasi kompania spanjolle “Spanair” shpalli gjithashtu përfundimin e operacioneve, pas ndërprerjes së subvencioneve qeveritare, për shkak të krizës ekonomike.\tch\