manciniRoberto Mancini është shumë konkret. Kur kanë mbetur edhe pesë javë nga fundi i kampionatit nuk pranon më gabime. “Nëse do të marrim tri pikët kundër Genoa-s dhe Udinese-s, atëherë fitorja me Napoli-n do të ketë pasur një kuptim. Përndryshe do të jetë një tjetër rast i humbur pas dy fitoreve të fundit”.

Ndjekja ndaj vendit të tretë vazhdon. “Në këto javë të fundit pres që lojtarët të luajnë me të njëjtin mentalitet pozitiv siç kanë bërë gjatë gjithë vitit, – ka shtuar trajneri i Inter. – Genoa është një ekip cilësor dhe shumë agresiv. Nuk do të jetë një ndeshje e lehtë”. Ndërkohë, për Eder do të jetë një derbi, duke parë se lojtari ka luajtur në fazën e parë me Samdpria-n. Ndoshta do të jetë rasti i duhur për të festuar golin e tij të parë me zikaltrit.

Loading...

“Kur ka luajtur, ka bërë gjithmonë një paraqitje të mirë. Është e çuditshme që nuk ka shënuar akoma, por ai duhet të ruajë qetësinë dhe te ketë durim. E kemi marrë edhe për të ardhmen, jo vetëm për këtë vit. Ndoshta në pesë ndeshjet e fundit do të në japë golat që na duhen”. Ndoshta, në fund, Inter do të sigurojë një vend në fazën para-eliminatore të Champions-it ose “vetëm” një vend në Europa League. “Në Itali vlerësohen vetëm rezultatet, jo progresi që bën një ekip.

Por unë i shikoj përmirësimet e bëra dhe jam i kënaqur, ekipi tani ka një shpirt. Në Itali ka munguar gjithmonë durimi për të pritur, qëkur jam kthyer kjo histori nuk ka ndryshuar. Do të jetë gjithmonë kështu”. Trajneri është kthyer të komentojë sezonin me ulje-ngritje të Inter, që ka kryesuar kampionatin pothuajse gjatë gjithë fazës së parë.

“Në ato 40 ditë ‘black out’-i nuk meritonim të humbnim aq shumë pikë. Por nuk ekziston një shpjegim i vetëm për atë periudhë. Barcelona aktuale nuk është bërë një ekip i dobët. Ose mund të shikoni ekipet në kampionate të tjera që kanë investuar qindra milionë euro dhe tani luftojnë për një vend të pestë apo të gjashtë”. Në lidhje me merkaton: “A do të mjaftojë për të ngushtuar diferencat me Juventus? Ata po punojnë prej vitesh për një projekt, por vetë Juventus nuk mund të fitojë dhjetë vite radhazi, edhe pse është skuadra më e fortë herët ose vonë do të vijë momenti që do të humbasë”, ka thënë Mancini.

Loading...
Shperndaje voten tuaj!


Si ndjeheni pasi lexuat kete lajm?
  • Fascinated
  • Happy
  • Sad
  • Angry
  • Bored
  • Afraid